Un ano máis participamos na actividade Museo en movemento organizada pola asociación de amigos do Museo de Belas Artes da Coruña e patrocinado pola Fundación Emalcsa.
Unha iniciativa que aposta pola Cultura Inclusiva e por achegar as obras de pintores relevantes a colectivos como o noso.
Este ano a actividade centrouse na figura de Luís Seoane, un dos artistas máis destacados do pasado Século XX
Grazas a Laura, Lucía e Patricia puidemos coñecer de primeira man a achega deste xenio da pintura galega á nosa historia e descubrir como plasmaba co seu estilo cubista e colorista, instantes cotiáns da cidade da Coruña que vagaban polo seu recordo cando vivía moi lonxe da súa terra querida.
Ademais tivemos a oportunidade de estimular a nosa creatividade emulando unha das obras do xenial artista. Este foi o resultado
Grazas á Asociación de Amigos do Museo de Belas Artes da Coruña e á Fundación Emalcsa por apostar por proxectos como este.